ತಪ್ಪೆಲ್ಲಾ ನಮ್ದೇ...

ಇದೆಂಥಾ ಭ್ರಷ್ಟ ಸರಕಾರವೋಎಂದು ಸದಾ ನಿಂದಿಸುವ ನಾವು,ಅವ ಕೊಟ್ಟ ಸಾವಿರದ ನೋಟನ್ನುಕಿಸೆಯೊಳಗಿಟ್ಟುಕೊಂಡು ಆರಿಸಿ,ಮಂತ್ರಿಗಳಾಗಿಸಿದ್ದನ್ನು ಮರೆತಿದ್ದೇವೆ.

ಒಳ್ಳೆಯ ಸಿನಿಮಾಗಳೇ ಬರುತ್ತಿಲ್ಲಎಂದು ಬಡಬಡಿಸುವ ನಾವು,ಕ್ಯಾಟು ವಾಕು, ಪೋಲಿ ಜೋಕು,ಅರೆಬೆತ್ತಲೆಯ ಐಟಂ ಸಾಂಗಿಗೆಜೋತುಬಿದ್ದು, ಅವನ್ನೇ ಹೆಚ್ಚಾಗಿಗೆಲ್ಲಿಸುತ್ತಿರುವುದನ್ನು ಮರೆತಿದ್ದೇವೆ.

ಒಪ್ಪೊತ್ತಿನ ಊಟ ಸಿಗದೇ, ಕೃಶವಾಗಿಅಲೆವ ಜೀವಕೆ ಮರುಕಪಡುವ ನಾವು,ಕರೆದ ಸಭೆ - ಸಮಾರಂಭಗಳಲಿ,ತಟ್ಟೆ ತುಂಬಿಸಿಕೊಂಡು, ಅರ್ಧದಷ್ಟನ್ನೇತಿಂದು, ಬೀಡಾ ಹಾಕ್ಕೊಂಡು ಬೀಗುವಾಗಆ ಜೀವಗಳ ಹಸಿವನ್ನೇ ಮರೆತಿದ್ದೇವೆ.

ಅಬ್ಬಾ.. ಏನಿದು ಸೂರ್ಯನ ಕೋಪ,ನಲವತ್ತೂ ದಾಟಿದ ಬಿಸಿಲಿನ ತಾಪ,ಎಂದು ಬೊಬ್ಬೆ ಹೊಡೆಯುವ ನಾವು,ಅಲ್ಲೋ ಇಲ್ಲೋ ಉಳಿದ ಹಸಿರುಮರಗಳನ್ನು ಕಡಿದದ್ದೂ ಅಲ್ಲದೇ, ಹೊಸಸಸಿ ನೆಡದೇ ಕಾರಣರಾಗಿದ್ದನ್ನು ಮರೆತಿದ್ದೇವೆ.

ನೀರನ್ನು ಉಳಿಸಿ, ಮರಗಳನ್ನು ರಕ್ಷಿಸಿ,ಎಂದು ಗುಂಪಲ್ಲಿ ಕೂಗುವ ನಾವು,ಉಳಿಸಿದ್ದಾದರೂ ಏನು, ರಕ್ಷಿಸಿದ್ದಾದರೂ ಏನು..ಎಲ್ಲವೂ ಶೂನ್ಯ, ಭವಿಷ್ಯವೂ ಶೂನ್ಯವೇ..ಇದೆಲ್ಲವೂ ತಿಳಿದು ತಿಳಿದು ಮಾಡಿದ ತಪ್ಪುಗಳೆ.ಅದೇನೆ ಇರಲಿ ಬಿಡಿ... ತಪ್ಪೆಲ್ಲಾ ನಮ್ಮದೇ..