ನಾ ಹೇಗೆ ಬಣ್ಣಿಸಲಿ

ನಾ ಏನಂಥಾ ಬರೆಯಲಿ..ನಿತ್ಯ ಚಿಗುರುವ ಹಸಿರಂಥಾಈ ಪ್ರೀತಿಯ ಹೇಗೆ ಬಣ್ಣಿಸಲಿ..

ಬೆಳಗ್ಗೆ ಎದ್ದಾಗಿನಿಂದ..ರಾತ್ರಿ ಮಲಗುವ ತನಕನನ್ನೆಲ್ಲಾ ಬೇಕು-ಬೇಡಗಳಗೊಡವೆಯ ನಡುವೆ.. ನೀಅಮ್ಮನಂತೆ ಲಾಲಿಸುವಪರಿಯಲ್ಲಿ ಅಡಗಿರುವಆ ಪ್ರೀತಿಯ ನಾ ಹೇಗೆ ಬಣ್ಣಿಸಲಿ

ಎದುರಲ್ಲೇ ಕುಂತರೂ..ಮತ್ತೆಲ್ಲೋ ಹಾರಿದ ಮನಸು,ಮತ್ತೆ ಬಂದಿತು, ನಿನ್ನ ತರಲೆ-ಚೇಷ್ಟೆಗೆ ತುಸು ಎಚ್ಚರವಾದಂತೆ..ಸೋದರಿಯಂತೆ ನೀ ಮಾಡುವತರಲೆ ಕಾಟಗಳಲ್ಲಿ ಅಡಗಿರುವಆ ಪ್ರೀತಿಯ ನಾ ಹೇಗೆ ಬಣ್ಣಿಸಲಿ

ಮತ್ತ್ಯಾರೋ ಎದುರಲ್ಲಿ..ಟೊಂಕವ ಬಳುಕಿಸಿ ನಡೆವಸುಂದರಿಯ ವಯ್ಯಾರದಲಿನನ್ ಕಣ್ಣೋಟ ಸಿಲುಕಿರಲು..ನನ್ನನು ಕಣ್ಣಲ್ಲೇ ಸುಟ್ಟುಬಿಡುವನಿನ್ನ ಕೋಪದೊಳ್ ಅಡಗಿರುವಆ ಪ್ರೀತಿಯ ನಾ ಹೇಗೆ ಬಣ್ಣಿಸಲಿ..

ಚಂದಿರನ ಬೆಳದಿಂಗಳಲಿ..ಸವಿರುಚಿಯ ಊಟ ಮುಗಿಸಿ..ಇಂದು-ನಿನ್ನೆಗಳ ನೋವ ಮರೆತುನಾಳೆಗಳ ಸಂಭ್ರಮಕೆ ಹೊಸಕನಸಕಾಣಲು, ಸುಖನಿದಿರೆಗೆ ನಾ ಜಾರಲು..

ನಿನಗೆ ನಿದಿರೆ ಬರುವವರೆಗೂ..ಎದೆಮೇಲೆ ಮಲಗಿದ್ದು, ಕೊಸರಿಮುದುಡಿಕೊಂಡೇ ಮತ್ತೆ ಅಲ್ಲೇಮಲಗಿ ಹೊಸಕನಸು ಕಾಣುವಮುಗ್ಧತೆಯಲಿ ಅಡಗಿರುವಆ ಪ್ರೀತಿಯ ನಾ ಹೇಗೆ ಬಣ್ಣಿಸಲಿ

ಒಲವೇ... ನೀನೆ ಹೇಳು...ಆ ಪ್ರೀತಿಯ ನಾ ಹೇಗೆ ಬಣ್ಣಿಸಲಿ