ಅಮ್ಮಾ... ನೀ ಇಲ್ಲದೇ
Amma nee illade..
— Raghavendra Padmashali
1 ನಿಮಿಷದ ಓದು1 min read15 ಓದುಗರು15 readers

ಅಮ್ಮಾ ನೀ ಇಲ್ಲದೇಹಲವು ಹಗಲುಗಳು ಕಳೆದಿವೆ,ಹಲವು ಇರುಳುಗಳು ಉರುಳಿವೆ,ಆರೇಳು ವರುಷಗಳೂ ಸರಿದಿವೆ,ನಿಲ್ಲದೇ ಓಡುವ ಈ ಕಾಲದ ನಡುವೆಎಂದೂ ಮಾಸದ ನಿನ್ನ ನೆನಪುಗಳಿವೆ.
ನೀ ಇಲ್ಲದ ಮನೆಯಲ್ಲೂ ಹಬ್ಬಗಳಿತ್ತು,ಸಡಗರ-ಸಂಭ್ರಮಗಳು ನಡೆಯುತ್ತಿತ್ತು.ಮನೆಯಲಿ ಮಕ್ಕಳ ಕಲರವ ಕಳೆಗಟ್ಟುತ್ತಿತ್ತು.ಈ ಎಲ್ಲದರ ನಡುವೆ ಇರುವುದೆಲ್ಲವ ಬಿಟ್ಟು ನನ್ನ ಮನಸು ಎಲ್ಲೆಡೆ ನಿನ್ನ ಹುಡುಕುತ್ತಿತ್ತು.ಅಮ್ಮಾ.. ಈ ಮನಸು ನಿನ್ನನೇ ಹುಡುಕುತ್ತಿತ್ತು.
ಅಮ್ಮಾ ಇಲ್ಲಿ ನೀನಿಲ್ಲದ ಮನೆಯಿದೆ,ಮತ್ತೆ ಮತ್ತೆ ನೀ ಕಾಣ ಸಿಗದ ಊರಿದೆ,ನಿನ್ನ ನೋಡಲಾಗದ ಜಗತ್ತೇ ಇದಾಗಿದೆ.ಸುತ್ತಮುತ್ತಲೂ ಇಲ್ಲಿ ಯಾರಿದ್ದರೇನು,ನನಗಂತೂ ನಿನ್ನಂತೇ ಪ್ರೀತ್ಸೋರ ಕೊರತೆ ಇದೆ,ಅಮ್ಮಾ... ನಿನ್ನ ಪ್ರೀತಿಯ ಕೊರತೆಯಾಗಿದೆ.
ಅಮ್ಮಾ ... ನಿನ್ನ ಪ್ರೀತಿ ಬೇಕಾಗಿದೆ,ಬೆಚ್ಚನೆ ಆ ನಿನ್ನ ಅಪ್ಪುಗೆ ಬೇಕಾಗಿದೆ.ಒಲವಿದು, ಅಬ್ಬಾ ಎಂದೂ ಕರಗದು,ನೀ ಜೊತೆಗಿರಲು ಸಾವಿರ ಜನುಮಗಳೂ ಸಾಲದು
ಪ್ರಕಟಣೆ: 28 ಅಕ್ಟೋಬರ್ 2026 · © ರಾಘವೇಂದ್ರ ಪದ್ಮಶಾಲಿPublished: 28 October 2026 · © Raghavendra Padmashali


